Fréttir

image

Golfnámskeið Golfklúbbs Ísafjarðar í sumar

Nú er sumarvertíðin í Tungudal að komast á fullt. Völlurinn kom vel undan vetri og er óvenju grænn og fallegur, bíðum bara eftir að þorni aðeins. Vætutíðin endar um helgina með hæðarhrygg og bjart víðri og hlýnandi veðri.

Barna og unglingastarfið er að hefjast og munu æfingar byrja 8 júní og standa til 17 ágúst. Æfingar verða tvisvar í viku fyrir börn og unglinga upp að 16 ára aldri. Þeir sem eru eldri en 16 mæta á nýliðanámskeið Golfklúbbs Ísafjarðar.

11 ára á árinu og yngri:  þriðjudaga og fimmtudaga kl. 14.00-15.00

12 ára á árinu og til 16 ára: þriðjudaga og fimmtudaga kl. 15.00-16.00

Æfingagjöld eru 25.000 kr. fyrir sumarið.

Þá verður í boði nýliðanámskeið  12 og 14 júní kl. 17.00-18.30 sem lýkur með 9 holu Texas Scramble móti þar sem vanur og óvanur spila saman.  Nýliðanámskeið er ókeypis og lánssett eru ókeypis fyrir nýliða á meðan á námskeiðum stendur.

 Golfklúbbur Ísafjarðar er með lánssett fyrir börn og unglinga og nýliða og fyrir þá sem vilja prófa. 

 Börn og unglingar greiða ekki árgjöld né félagsgjöld  og hvetjum við foreldra til að ská þau í golfklúbbinn og prófa þetta frábæra fjölskyldusport í sumar á Tungudalsvelli.

 Kennari á námskeiðinu er Viktor Páll Magnússon, barna og nýliða kennari í golfi.

 Skráning er hér : Skráningarhlekkur

Nýlegar fréttir