Saga

Golfklúbbur Ísafjarðar var stofnaður árið 1943 og er á meðal elstu golfklúbba landsins.

Það gekk ekki vel að finna landsvæði undir golfvöll á upphafsárum GÍ og eftir að landi var úthlutað undir flugvöll í stað golfvallar má segja að starfsemi GÍ hafi lagst af.

Árið 1978 var klúbburinn endurreistur og GÍ kom sér upp bráðabirgðavöllum á nokkrum stöðum áður en land fékkst undir núverandi völl GÍ árið 1985.

Frá þeim tíma hefur mikil uppbygging átt sér stað á Tungudalsvelli sem er í dag mjög skemmtilegur og fjölbreyttur níu holu golfvöllur. Umhverfi vallarins er einstakt eins og sjá má á þessum myndum.

Við Tungudalsvöll er glæsilegt klúbbhús sem var flutt á svæðið frá Hnífsdal og tekið í notkun árið 1999.

Mikið og gott útsýni er úr golfskálanum yfir Tungudalsvöll og þar er tilvalið að tylla sér niður með kaffibollann eftir golfhring á skemmtilegum velli.

Stjórnarformenn GÍ

Nafn	Tímabil formennsku
Margrét Árnadóttir	1978-1979
Sigurður Jónsson	1979-1980
Guðni Ásmundsson	1980-1982
Hafsteinn Vilhjálmarsson	1982-1985
Samúel Einarsson	1985-1989
Ernir Ingason	1989-1996
Tryggvi Guðmundsson	1996-2006
Tryggvi Sigtryggsson	2006-2015
Kristinn Þórir Kristjánsson	2015-2019
Jakob Ó. Tryggvason	2019-