Fréttir

Íslandsmót Golfklúbba í 3 Deild að hefjast

Þann 12. Ágúst hefst Íslandsmót Golfklúbba í 3. Deild á Tungudalsvelli. Fyrstu leikirnir eru kl 08.00. Í þessari keppni eru lið heimamanna Golfklúbbs Ísafjarðar og svo líka lið Golfklúbbs Bolungarvíkur. Að auki eru 6 önnur lið, frá Hveragerði, Skagafirði, Húsavík, Borgarnes, Grindavík og Eskifirði.

Lið Ísafjarðar er skipað eftirfarandi leikmönnum.

Anton Helgi Guðjónsson
Ásgeir Óli Kristjánsson
Baldur Ingi Jónasson
Hjálmar Helgi Jakobsson
Jón Gunnar Shiransson
Julo Thor Rafnsson

Góð blanda af eldri og yngri leikmönnum sem eru í fyrsta flokki GÍ og hafa auk þess keppt í mótum Golfklúbbs Ísafjarðar og í mótum Golfsambands Íslands. Reynt verður að flytja fréttir af úrslitum sem og setja inn hlekki á úrslit og rástíma þegar það liggur fyrir.

 

Það mun opna snemma í golfskálanum þar sem verður hægt að fá morgunverð frá 07.00 til 08.00 og hádegisverð frá 12.00 til 13.00 til viðbótar við þær veitingar sem hafa verið í boði í sumar í skálanum.

 

Af pallinum í golfskálanum má sjá yfir völlinn og því kjörið fyrir áhugasama að mæta og fylgjast með.

 

Vegna mótsins verður völlurinn lokaður á fimmtudag frá kl 21:30 og allir kylfingar þurfa að yfirgefa völlinn fyrir þann tíma.  Vollur verður síðan lokaður fram á sunnudag, opnar aftur 15.00 á sunnudag.

Hægt verður að fylgjast með stöðunni og úrslitum leikja hér.

 


Deila